1
10
1
-
Dublin Core
The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/.
Title
A name given to the resource
Vidas
Article biographique
Articles Vidas
Dublin Core
The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/.
Title
A name given to the resource
Peyrusse, Adam (1823-1901)
Peyrusse, Adam (1823-1901)
Description
An account of the resource
<p style="text-align: justify; line-height: 150%;">Adam Peyrusse (1823-1901), proprietari vinhairon a Ornasons (Ornaisons, Aude), s'encapitèt entre los primièrs felibres d'Aude. Escriguèt una pèça de teatre e de poèmas qu'an pas marcat la literatura lengadociana, per tant qu'agèsson qualques prèmis d'obtenguts. Es estat mièjament doblidat a respècte de las figuras d'Aquiles Mir o d'autres felibres audencs.</p>
<h2>Identité</h2>
<h3><b>Formas referencialas</b></h3>
<p style="text-align: justify;">Peyrusse, Adam (1823-1901)</p>
<h3>Autras formas conegudas</h3>
<p style="text-align: justify; line-height: 150%;">- Peyrusse, Adam Noé (nom complet e l'estat civil)</p>
<h2>Elements biografics</h2>
<p style="text-align: justify; line-height: 150%;">Adam Peyrusse es nascut lo 18 de decembre de 1823 a Ornasons e i es mòrt lo 23 d'abril de 1901. Sabèm pas s'aviá qualque ligam de parentèla amb Eugène Peyrusse (1820-1906), òme politic audenc que foguèt cònsol de Narbona e deputat d'Aude dins los ans 60, ni mai amb Clovis Peyrusse que foguèt cònsol de Lesinhan en 1848. <br />Es proprietari viticòla. L'an 1877 ten a la venda 400 ectolitres de vin a 28 francs l'ectolitre<a id="1" href="#note1"><sup>1</sup></a>. Es un proprieatri aisat. <br />Cal notar, sens aver mai d'informacions, que d'après un jornal local<a id="2" href="#note2"><sup>2</sup></a> lo mes d'agost de 1882 a Ornasons un nommat Alexandre Peyrusse atjat de 30 ans, abans de se suicidar, tira al revolvèr sus sos parents. La maire es tuada mas lo paire subreviu, nafrat laugièirament. Sabèm pas s'aquel fach malaürós a qualque relacion amb Adam Peyrusse, que podriá plan pro aver l'edat del paire d'aquel Alexandre Peyrusse.</p>
<h2>Engatjament dins la renaissança d'òc</h2>
<p style="text-align: justify; line-height: 150%;">Sabèm pas cossí Adam venguèt felibre. Mas es amb Aquiles Mir (1822-1901), Auguste Fourès (1848-1891) e Paul Gourdou (1846-?) d'Alzona, un dels primièrs felibres del departament d'Aude.<br />Lo mes de mai de 1883 la Societat per l'Estudi de las lengas romanas distribuís los prèmis de son quatren concors filologic e literari. Adam Peyrusse, felibre manteneire, i reçaup una medalha d'Argent per sa pèça <em>Narcisso, Coumedia en cinq actes, en berses narbouneses</em> que sabèm pas se s'es jamai interpretada. Lo meteis an l'òbra, amb un ajuston d'una seguida de poèmas, es publicada a Montpelhièr. Frederic Donnadieu ne fa la presentacion critica<a id="3" href="#note3"><sup>3</sup></a>. L'òbra es, çò ditz Donnadieu, « <em>Trop vraie en plus d'un passage et […] ignore les raffinements de la pensée littéraire</em> ». <br /><br />Donnadieu lèva los defauts que vei dins la pèça del ponch de vista dramatic. Mas per aquò li coneis :</p>
<p style="text-align: justify; line-height: 150%; padding-left: 30px;"><em>[…] des qualités sérieuses, telles que l'art difficile de faire parler et mouvoir d'assez nombreux personnages, l'invention d'une intrigue où s'agitent, il est vrai, des passions basses et des intérêts sordides, mais qui marche sans défaillance, et avec des péripéties naturelles, vers son dénoûment fatal. </em> </p>
<p style="text-align: justify; line-height: 150%;">La pèça a de valor del ponch de vista filologic, del moment que l'autor, çò ditz encara Donnadieu, « <em>possède parfaitement sa langue, qui est celle du Narbonnais</em> ».. <br /><br />Talament qu'en 1913 Jules Ronjat que publica l'<em>Essai de Syntaxe des Parlers Provençaux Modernes</em>, per illustrar la varietat narbonesa de l'occitan, cita <em>Narcisso</em>, que presenta aital dins sa bibliografia : « Drame en vers suivi de poésies détachées, sans autre valeur que celle d'un texte de langue narb<a id="4" href="#note4"><sup>4</sup></a> ». <br /><br /> Adam Peyrusse l'an 1887 compausa La Cansou de la Sègo. Se publica a Montpelhièr. Lo poèma conta una jornada de sègas e es ric del vocabulari d'aquel trabalh : </p>
<p style="text-align: justify; line-height: 150%; padding-left: 30px;"><em>Enfin arribo soulel coulc, </em><br /><em>Lou camp es ple de garbos ; </em><br /><em>Toutos a rengos pel rastoul, </em><br /><em>Lous tiouls que fan rebarbos. </em><br /><em>L'oulan arquetat Penjat al coustat, </em><br /><em>Prenèts tout lou bagatge, </em><br /><em>E lou cagarau Souno coumo un bauch </em><br /><em>Lou retour al bilatge<a id="5" href="#note5"><sup>5</sup></a>. </em></p>
<p style="text-align: justify; line-height: 150%;">Lo poèma a agut un prèmi a la « Sesiho de la Mantenenço de Lengodoc dau 30 de mai de 1887 ». Pareis lo mes de junh dins <em>Le Vigneron Narbonnais<a id="6" href="#note6"><sup>6</sup></a></em>, que lo cap-redactor n'es Paul Sol, paire de Marguerite Sol (1867-1950).<br /><br />Lo 4 de junh de 1892 se fonda a Carcassona l'<em>Escolo Audenco</em>. Entre los de nommats i trobam Peyrusse que ne ven vici-cabiscòl. I a aquí tanben, entre mai, Gaston Jourdanne (1858-1905), Prosper Estieu (1860-1939), Marguerite Sol o l'illustrator Narcisse Salières (1818-1908). <br />Adam Peyrusse serà tanben collaborator de <em>L'Iòu de Pascos<a id="7" href="#note7"><sup>7</sup></a></em> e de <em>La Revue Méridionale</em>, que per exemple i va publicar lo poèma <em>Lou Ressoupet Treboulat</em> en 1893<a id="8" href="#note8"><sup>8</sup></a>. Aderís en 1895 a la <em>Société d'Études Scientifiques de l'Aude</em><a id="9" href="#note9"><sup>9</sup></a>. <br /><br />En 1898 lo jornal Lou Felibrige<a id="10" href="#note10"><sup>10</sup></a> anóncia :</p>
<p style="text-align: justify; line-height: 150%; padding-left: 30px;"><em>L'Escolo audenco a decida de faire ounour au felibre Adam Peyrusse, d'Ournesoun, vice-presidènt de l'Escolo, valènt-à-dire d'estampa si meiòuris obro e de faire faire un buste de soun vice-presidènt pèr n'en ourna la salo de si deliberacioun. </em><br /><em>[…] </em><br /><em>La Revue méridionale dèu douna lou retra de l'eicelènt felibre, burina pèr Salieres, dins l'un de si numerò venènt. </em></p>
<p style="text-align: justify; line-height: 150%;">Avèm pas coneissença d'aquel retrach.<br /><br /></p>
<hr />
<p id="note1" style="text-align: justify; line-height: 150%;">1. <em>La Fraternité</em> n°792, 28/01/1877, p. 3<a href="#1">↑</a></p>
<p id="note2" style="text-align: justify; line-height: 150%;">2. <em>La Fraternité</em> n°1362, 09/08/1882, p. 2<a href="#2">↑</a></p>
<p id="note3" style="text-align: justify; line-height: 150%;">3. <em>Revue des Langues Romanes</em>, tome XXIV, p. 40<a href="#3">↑</a></p>
<p id="note4" style="text-align: justify; line-height: 150%;">4. (RONJAT ; 1913) p.286<a href="#4">↑</a></p>
<p id="note5" style="text-align: justify; line-height: 150%;">5. <em>Le Vigneron Narbonnais</em>, 3ème année, n°25, 23/07/1887, p.2<a href="#5">↑</a></p>
<p id="note6" style="text-align: justify; line-height: 150%;">6. <em>Le Vigneron Narbonnais</em>, 3ème année, n°25, 23/07/1887<a href="#6">↑</a></p>
<p id="note7" style="text-align: justify; line-height: 150%;">7. (FOURIÉ ; 2009)<a href="#7">↑</a></p>
<p id="note8" style="text-align: justify; line-height: 150%;">8. <em>Le Vigneron Narbonnais</em>, 9ème année, n°12, 25/03/1893, p. 3<a href="#8">↑</a></p>
<p id="note9" style="text-align: justify; line-height: 150%;">9. <em>Bulletin de la Société d'Études Scientifiques de l'Aude</em>, tome VI, 1895, p. XLIV<a href="#9">↑</a></p>
<p id="note10" style="text-align: justify; line-height: 150%;">10. <em>Lou Felibrige</em>, tome XII, 1898, p. 189<a href="#10">↑</a></p>
Creator
An entity primarily responsible for making the resource
Peyras, Quentin
Publisher
An entity responsible for making the resource available
Centre interrégional de développement de l'occitan (Béziers)
Recherche en domaine occitan (Montpellier)
Date
A point or period of time associated with an event in the lifecycle of the resource
2018-02-15
Language
A language of the resource
oci
Identifier
An unambiguous reference to the resource within a given context
http://vidas.occitanica.eu/items/show/2109
Subject
The topic of the resource
Agriculteur ; paysan
Format
The file format, physical medium, or dimensions of the resource
text/html
Type
The nature or genre of the resource
Text
Date Issued
Date of formal issuance (e.g., publication) of the resource.
2018-01-31 Aurélien Bertrand
License
A legal document giving official permission to do something with the resource.
Creative commons = BY - NC - ND
Is Part Of
A related resource in which the described resource is physically or logically included.
Félibrige
Temporal Coverage
Temporal characteristics of the resource.
1876-1914
Spatial Coverage
Spatial characteristics of the resource.
Aude (France)
Ornaisons (Aude)