Lo portal collectiu de la lenga e de la cultura occitanas
Menu

Français | Occitan | Escrivètz-nos

Resultats de recèrca (0)

Veire totes los articles de Vidas
Recèrca avançada

Formats de sortie

atom, dc-rdf, dcmes-xml, json, omeka-json, omeka-xml, rss2

Lo projècte Vidas, qu'es aquò ?

Qui son aqueles òmes e aquelas femna, escrivèires, militants del Felibritge o de las tendéncias divèrsas de l'occitanisme contemporan (sègles XIX - XXI) que lo cercaire rescontra regularament, quand despolha de revistas o tròba en cò d'un boquinista o dins una bibliotèca un obratge que sap pas res, a priori, de son autor ?

Fins ara, podiam pas comptar sus cap de banca de donadas biograficas vertadièra en mesura de recensar l'ensemble dels actors de la renaissença occitana.

Vidas es un projècte de diccionari biografic de l'ensemble dels actors des diferents moviments de la renaissença d'òc qu'espelisson a partir del sègle XIX dins l'ensemble de l'espaci occitanofòn e al delai d'aqueste. Lo modèl que l'inspira es aquel del Maitron, diccionari del moviment obrièr.

Per capitar aqueste projècte, serà fach rampèl a de collaborators nombroses, indispensables per cobrir, sota lo contraròtle del comitat scientific, un camp de recercas tan larg dins lo temps coma dins l'espaci.

Vidas es un projècte a l'iniciativa de la compausanta REDOC / LLACS de l'Universitat Paul-Valéry Montpelhièr-3 e del CIRDÒC-Mediatèca interregionala occitana.

Legir l'apèl a contribucion sus lo site del LLACS

Fièrement propulsé par Omeka.