Français | Occitan | Escrivètz-nos

Home > Contribuer - Contribuir

Contribuer - Contribuir

> Telecargar la grasilha d’ajuda a la sasida de las informacions :

.odt / .pdf

Contribuir al projècte Vidas, diccionari biografic en linha dels actors de la renaissença occitana (sègles XIXe-XXIe)

Tota persona qu'a d'activitats d’estudi e de recèrca sus de personalitats qu'an participat per lor òbra, lor pensada o lor accion als movements de renaissença occitana pòt contribuir a Vidas.Abans d’entreprendre la redaccion de l’article, vos convidam a prendre contacte amb lo comitat scientific e editorial de Vidas mercés al formulari de contacte en fin de transmetre vòstre projècte d’article e beneficiar de conselhs.

Conselhs als autors d’articles de Vidas

Circuit de redaccion, correccion e publicacion

Les projèctes d’articles son a propausar als membres del comitat scientific e editorial del projècte, especialistas d’Istòria, literatura e cultura occitanas contemporanèas del laboratòri REDOC-LLACS (Universitat Paul-Valéry Montpellier-III) : Yan Lespoux, Marie-Jeanne Verny, Philippe Martel.
Quora los articles son validats dins lor forme finala entre l’autor e lo comitat scientific, son transmeses als bibliotecaris del CIRDÒC per mesa en forma e publicacion.
Los autors son tenguts informats de la publicacion de lor article e pòdon a tot moment senhalar una error o propausar un complement.
La lenga de redaccion de l’article es, a la causida, lo francés o l’occitan. L’article es traduch dins l’autra lenga sonque aprèp sa validacion dins sa forma finala. L’autor pòt demandar a èsser lo traductor de son article. Levat indicacion contrària de l’autor, es mandat a un traductor.

Estructura dels articles

Los articles devon èsser presentats segon lo plan seguent :

1) Resumit o introduccion a l’article :
500 signes maximum, espacis compreses

2) Identitats de la personalitat

Aquel camp es present per listar totas las formas rencontradas, formas erronadas compresas, d’identificacion d’un autor o d’una personalitat e a indicar sas formas referencialas, en particulièr per los fichièrs e tesaurusses de referéncia.
Los bibliotecaris del CIRDÒC s'ocupan del rensenhament d'aquel camp mas es demandat als autors de listar d'un biais informal totas las atestacions qu’an pogut relevar dins las sorgas e la bibliografia de lor article, mai que mai los pseudonims, las diferentas formas occitanizadas, etc.

2-1) formas referencialas :
(daissar liure, emplenat per los bibliotecaris del CIRDÒC)
nom, pichòt nom (forma referenciala francesa) = nom, prénom (forme référentielle occitane)

2-2) formas alternativas :

(daissar liure, emplenat per los bibliotecaris del CIRDÒC)
< … (forma complèta d'estat-civil)
< … (forma occitanizada non referenciala)
< … (pseudonims)
< … (forma erronada)

3) Elements biografics
Biografia de la personalitat, sas originas familialas e socialas, sa formacion, son percors professional e personal, sos engatjaments politics o sindicals etc.
Los autors an la possibilitat, se o desiran, de crear de jos-capitols e de lor atribuir un títol.

4) Engatjaments dins la renaissença d’òc

Las activitats de la personalitat en favor de l’occitan, sos engatjaments dins de movements artistics, literaris, militants (associacions, sindicats, organizacions politicas) de la renaissença d’òc.
Los autors an la possibilitat, se o desiran, de crear de jos-capitols e de lor atribuir un títol.

5) Bibliografia e sorgas

Los autors indican aquí sonque las sorgas e documents consultats per la redaccion de la notícia o de l’article.
La bibliografia complèta de la personalitat o d'estudis sus la personalitat serà generada per le CIRDÒC a partir de sas basas bibliograficas.
Se los autors dispausan de bibliografias complètas o detalhadas de l’òbra de la personalitat, las pòdon annexar a lor article en fin que las referéncias sián integradas dins las basas bibliograficas per los bibliotecaris del CIRDÒC.

Autres elements a donar :

1) Per lo primièr article : biografia de l’autor de l’article
en fin que siá publicada sus lo site

2) Entresenha per los indèxes :
  • - Professions : listar las professions significativas exerçadas per la personalitat objècte de l’article
  • - Gropes e collectius d'apartenéncia : listar las associacions, collectius, partits politics, etc. dins los quals la personalitat a agut un ròtle significatiu, o al mens pas anecdotic.
  • - Luòcs e indèx geografic : los luòcs de vida e/o d'accion significatius dins lo percors de la personalitat (aquò pòt èsser de comunas, d'airals geografics, un país estrangièr, etc.)

3) Illustracions :
Les autors pòdon illustrar lors articles : sufís de balhar las referéncias e legendas de las illustracions al moment de la transmesa del tèxte de l'article.

Licéncias de publicacion :

Los articles son propausats al projècte Vidas a títol gratuit dins l'encastre de las activitats de recèrca dels autors. Quand propausan un article dins l'encastre del projècte Vidas, los autors aderisson als enjòcs de la liura difusion dels sabers e de la valorizacion de la recèrca e de la cultura occitanas.
Accèptan que lors articles sián publicats e difusats dins l'encastre de la licéncia Creative Commons seguenta :

licence CC attributionlicence CC conditionlicence CC option

Atribucion obligatòria en cas de citacion, difusion o reutilizacion :

  • - Pichòt nom e Nom de l'autor de l’article ; des editors (CIRDÒC ; RedOc-LLACS) e origina (http://vidas.occitanica.eu)
  • - Pas d'utilizacion comerciala
  • - Partatge a l’identic

Citacion des articles :

Los articles publicats dins Vidas fan l'objècte d’una seleccion e d’una validacion per un comitat d'expèrt jos l’egida d’una compausanta de recèrca e d’una universitat, an l'estatut de publicacion academica e pòdon figurar dins las bibliografias e curriculum vitae dels autors.
Las referéncias bibliograficas normadas son disponiblas en bas dels articles sus le site http://vidas.occitanica.eu

> Telecargar la grasilha d’ajuda a la sasida de las informacions :

.odt / .pdf