Français | Occitan | Escrivètz-nos

Home > A Propos - A prepaus

A Propos - A prepaus

Logo Vidas

VIDAS es un projècte de diccionari biografic en linha dels actors de la renaissença occitana. La renaissença occitana o renaissença d’òc designa l’ensems dels movements d’accion e de pensada en favor de la lenga e cultura occitanas dempuèi lo mitan del sègle XIX fins a uèi.

Editors

VIDAS es un site de contenguts originals e academics, coproduches per los professionals de l’informacion e de la documentacion del CIRDÒC e los cercaires universitaris membres o associats a la compausanta RedOc (Recherche en domaine Occitan) del laboratòri LLACS (Langues, Littératures, Arts et Cultures des Suds) de l’Universitat Paul-Valéry Montpelhièr-III.

Logo RedOc-llacs

RedOc-LLACS es la compausanta recèrca del departament d’occitan de l’Universitat Paul-Valéry de Montpellier-III. Anar sus lo site del RedOc.

Logo du CIRDOC

Lo CIRDÒC es l’establiment public a vocacion interregionala cargat de la salvagarda, de la coneissença e de la valorizacion del patrimòni e de la cultura occitans. Anar sus lo site del CIRDÒC

Vidas es un site del portal collectiu Occitanica

Logo Occitanica

Lo site Vidas contribuís al projècte Occitanica (www.occitanica.eu)

Comitat editorial

  • Yan LESPOUX : membre de la còla RedOc-LLACS, professor certificat d’occitan, doctor en istòria contemporanèa
  • Philippe MARTEL : membre de la còla RedOc-LLACS, Professor de las universitats
  • Marie-Jeanne VERNY : membre de la còla RedOc-LLACS, professora de las universitats, especialista de literatura occitana contemporanèa
  • Benjamin ASSIÉ : conservator territorial de las bibliotècas, director del CIRDÒC
  • Aurélien BERTRAND : responsable del departament archius e manuscrits del CIRDÒC
  • Noémie EYRAUD : doctoranta CIFRE (CIRDÒC / RedOc-LLACS), encargada de mission Edicion electronica

Contactar lo comitat editorial

Vòstras demandas, remarcas, proposicions, contribucions pòdon èsser mandadas dirèctament al CIRDÒC a l'adreiça lo formulari de contacte lo formulaire de contact

  • La còla del RedOc, sus la basa de l’important còrpus de basa donadas e de coneissenças amassadas au cors de son trabalh de recèrca en istòria, sociolingüistica o literatura contemporanèa, a exprimit la necessitat de la creacion d'una base de donadas e d'informacion sus los actors politics, associatius, sindicals e culturals que participan dempuèi lo mitan del sègle XIX als diferents movements intellectuals, politics o socials coneguts jos los tèrmes « renaissença d'òc » o « renaissença occitana ».
  • Lo CIRDÒC de per son estatut de bibliotèca de referéncia, pòl associat de la Bibliotèca nacionala de França, a per mission de metre en òbra d'otisses e d'instruments de recèrca documentària, d’accès a l'informacion, de valorizacion numerica de donadas scientificas e culturalas del domeni occitan : VIDAS completa los ensembles de donadas e ressorsas que i dona accès amb lo portal collectiu Occitanica per d'informacions biograficas de referéncia.
  • Lo site VIDAS a vist lo jorn en 2014 e es estat presentat al XIe Congrès de l'Associacion Internacionala d’Estudis Occitans a Lhèida. VIDAS s’enriquís per las contribucions dels cercaires del RedOC, los bibliotecaris del CIRDÒC mas tanben per las contribucions d'estudiants, cercaires universitaris o especialistas non universitaris que propausan regularament de contribucions.

Lo servici rendut per VIDAS

Dispausar d’una banca d'informacion, de donadas e de coneissenças biograficas e istoricas que recensa progressivament l’ensemble de las personalitats de la renaissença occitana dempuèi son origina fins a uèi :

  • escriveires, artistas, intellectuals qu'an obrat per lo domeni occitan, menaires e militants de grops e collectius (partits politics, sindicats, associacions, etc.)

Los articles son de produccions originalas propausadas per d'especialistas e validadas per un comitat de publicacion compausat de cercaires universitaris.

La recèrca de la qualitat

Las biografias son somesas a l’examèn de la còla del CIRDÒC e del RedOc-LLACS abans d’èsser publicadas.

Dins una volontat de clartat e d'accessibilitat, los articles biografics seguisson totes un meteis plan d’ensemble :

  • Resumit
  • Identitat : formas referencialas de l'identitat de la personalitat, pseudonims, altras formas conegudas de l'identitat de la personalitat
  • Los elements biografics : originas familialas e socialas, formacion e mestièrs, percors biografic general de la personalitat
  • Engatjaments dins la renaissença occitana : los diferents engatjaments, l'apartenéncia e lo ròtle dins de grops e collectius politics, sindicals, associatius, artistics e literaris, etc.
  • Sorsas : la documentacion utilizada per realizar l’article
  • Bibliografia : bibliografia de la personalitat e/o d'estudis sus la personalitat e son òbra.

La liura circulacion dels sabers :

  • Animat per la volontat de partejar las coneissenças e de promòure la recèrca en domeni occitan :
  • VIDAS es gratuit e liure d’accès a totes
  • los articles e contenguts son publicats jos licéncia creative commons

Los sostens e finançaires del projècte VIDAS

VIDAS es un site del projècte Occitanica+ desvelopat e administrat per Lo CIRDÒC

Logo Region Occitanie Logo Region Nouvelle Aquitaine Logo Ministère de la Culture et de la Communication

Drapeau Union EuropeenneLogo Europe s\'engage en Occitanie